台灣羅馬字協會祕書長/ 國小台語老師

高雄師範大學台文所碩士畢業

無想 tio̍h 母語 mā 會當改變咱原本 ê 性命經驗。我 2012 mā 是高雄第一社大台語課 ê 學員，雖罔課程中無真用心，khiok 我攏聽有 mā 甘願接受老師提供 hō͘ 阮sio 連紲熟似 koh 生份 ê 史觀，重新 jīn-bat 家己。機會 m̄-sī 等候來--ê，是出在家己願意 ê 心。我 ê 恩師陳金花老師一路上 ê 鼓勵、肯定，加上家己變竅 nǹg-chǹg，mā sńg 出性命 ê 新頁，認真感受每一个人 ê 成長背景就是一个特殊 ê 故事，這是上帝送咱獨一無二 ê 本錢，這是我寫作、投稿、教學 ê 基礎，mā是我ê根基。母語養飼我 ê 性命，hō͘ 我營養、扶持我對無知到 jīn-bat koh 進一步到疼惜。母語 mā 改變我 ê 性命觀，一步一步引 chhōa 我讀冊、精進，甚至用母語書寫我 ê 碩士論文，這一切 ê 改變攏因為台語，佳哉 ! 我會曉寫家己 ê 爸母話，會當記錄足 chē 精彩 ê 台灣鄉土歷史，這是我上會當表示對這帶土地 ê thiàⁿ-thàng kah 關心上好 ê 方式。
因為母語 hō͘ 我清楚知影講母語並無見笑，mā 無愛 koh 做變色 tō͘-tēng，我會當足有自信 kā 台華語攏講 kah 足輾轉。

一、教學經驗：
1. 高雄市三民國中、路竹國中、龍華國中、楠仔坑國小、屏山國小、路竹幼兒園ê台語老師，台南關廟五甲國小、崇和國小、口碑國小kap 夏日樂學課程ê台語老師。
2. 台羅會台語班老師、港都社大台語老師、高師大語教中心台語老師。
3. chhōa楠仔坑國小ê學生去公視錄旺梨西瓜囡仔節目，攏有得著獎金。
4.指導參加錄影ê學生kā參加ê心得記錄落來並投稿台南教會公報社ê台語世界專欄。
5. 指導崇和國小學生參加台南市ê小小解說員，演講稿kah錄音檔案koh 錄取民報台語世界。

二、寫作經驗：
1. 投稿台南教會公報社、bong報、民報台語世界、台江台語文學持續寫作投稿。
2. 高雄歷史博物館高雄小故事2017,2019,2020,2021著等。

三、學術經驗：
1. 參與台東大學張學謙教授國科會ê語言研究台語ê逐字稿，攏總20个2點鐘ê錄音檔案kap 華台語文章對譯。
2. 參與高醫鄭詩宗醫生主持ê〈醫病對話－大學醫學台語閱聽本〉校對。
3. 參與成大蔣為文教授主持ê〈從系統及類型論的視角探索越南文化本色〉校對。
4. 參與成大陳麗君教授ê華台語ê論文對譯、AI人工智慧ê台語錄音工程。
5. 參與台南南科考古館ê文宣、網頁、文案說明ê台語白話字翻譯工課。
6. 囡仔bàngkah－台灣味ê料理救援隊台語顧問。

四、實務經驗：
1. 接台灣羅馬字協會第11屆ê祕書長工課(2021-2022)

成大台語認證高級
白話字認證高級
教育部台語認證中高級
成大越南語學分證明